Tra tonni totani sardini e calamari
i listi su fatti pe l’elezioni regionali
e domani i vidimu supa i giornali
aprira catoghja ntre comuni, pe i cumpari.
Si prima era sulu garaci,
all’elezioni diventano sezioni
circoli o sulu scadda frasci.
A politica ormai si fhicia mestiari
cu la penza cuamu serviziu
ava ncunu chi u po rendita saziu.
E si tiampi n’amicu esta necessariu
si vota a perzuna cu l’armametariu.
I santini non li fruscianu i passanti
si passano e manu a manu
non si giuranu i santi; ma votanu
e fannu votara tutti i parianti.
Non c’esta ormai ideala
ogni faccia resta na faccia e cuntara
i partiti su sulu na caddara
i frittuli si ponnu mangiare pure a Natala.
L’elezioni ormai su na riffa
si fhussarianu cavadi saria na corsa
su sulu voti cuamu na scommessa;
si vacia bona po essara raccomandaziona
pe cui s’assetta esta e sicuro na penziona.
Catoghja
