Cuamu adumanu i stelli in cialu u sapa Dio,
cuamu adumi tu ntra testa mia u sacciu io.
Contratti paralleli non da puatti fhirmara
non sacciu cu paga a bolletta e su luma
ma quandu s’appiccia para na lampara.
Si sugnu indiabbitatu pe quantu consuma
mancu a Luna porria pignorara né domana riscattara.
A mia non m’arriva nenta, d’evessera in dotaziona
già assemblatu prontu sulu mu puazzu usara.
Si sempa fhu verbo, mo po essera n’immaginaziona
corrianduli chi spattanu, cuamu pe cantara.
Non esta lucia devozionale, né Paolo Brosio cu i veggenti
né balla u sula, ma t’azzanni i labbra tua cu i dianti.
Nu lampu e saldatura chi s’appiccia e ti fruscia
scatta u contatora pe u tiampu chi si ndavacia e prescia.
Si i maghi vidanu i stelli e diventanu latruni
m’arrancciu puru io cu i punti caddi ogni primu e luni.
Maccattu u tngustenu pe u cora mio chi mi s’aduma
u cialu esta nu quadernu e saldaturi chi non si cunsuma.

Tag:Punticaddi