ott 2014
Parualificiu | nov 2014 | set 2014

Saliva

12-dom-2014
Si ti pianzu cchiù do normala, 
cuminci de plastica u mi divianti reala,
cuamu na cosa chi si po toccara
chi supa i labbra si po sentira,
addirittura immagginara.
Non esta cuamu nu ricordu elementara 
chi torna sulu pemmu tu pua scordara.
Non esta sulu passatu ricordatu
chi facia bena sulu alu spiritu;
po essara dolura o profhumu culuratu.
Nu ricuardu non esta atru, ca nu penziari pittatu
ntra nu tiampu abbandunatu ntro passatu.
Tu avarissi  d’essara e natra cosa
ntro ricuardu mio, tu si na rosa.
Pecchi quandu ti pianzu u tiampu vruscia
e non arda arriadi i spadi ma d’avanti a mia.
Na cosa esta certa, mi piacia mu mi piardu 
e quandu ti pianzu pemmu mi ricuardu; 
ca u tiampu chi piardu pe nu puacu brilla;
diventa saliva chi supa i labra mia scintilla.

Tag: