Duapul'elezioni
Duapu l’elezioni.
16-mer-2017
Fhiniru l’elezioni e nu paru e misi s’attaccaru i manifesti ali puarti, nda restaru per ricuardu, ma su muarti. Su sempa fastidiusi all’uacchi mpisi non dinnu nenta su sulu e carta ncodati su giacigli per cui non parta. Non epparu crianza pemmu s’ammutanu ma scrissaru programmi cuamu cughiuaniatti comizi cumu vrascioliadi e risu e frifhiatti, paruali chi sommati non si cuntanu. A solita sbobba famigliare de dieci anni na ritrovamu pe quindici, amprata cuamu panni. Sta vota su sulu candidati e pura lana pighiati pe li taschi e pe la fhama, ava puru i soliti spazzini cuamu a na madama. I sordi passanu cuamu u caru pana all’elezioni si candidanu cu l’indirizzi duapu su sempa devoti a li mundizzi. A st’annu nda trovaru una chi para fhimmana frisca cuamu na vergine Maria pa politecheria si trovau assunta ntra na lista pe faccifhoria. Rimana devota a na maetra strana a cui a fhama non potta sapira mai chi era, si su laureati a seguanu cuamu na preghiera. Ndavia una chi paria na principessa sdicia a mianzu a tutti i candidati. L’anziani sutta u ballatura cundannati volia mu i porta supa pe promessa. I voti non d’abbastaru mu s’assetta u miadicu si u vonnu, resta sutta. A fhorma strana e na stupidaggina, rimana pe li doppi e primu gradu patra, fhighiu e fidanzatu grudu na giostra demenziale e na simana. U paisa di serviu pemmu si cuntanu mo di serivà pemmu si acconzanu. Ringraziando Iddio pura sta vota, fhu sulu aria a commedia de li doppi e candidara torna tra cincu anni e si nda po parrara. Pe mo resta chidu chi vi dissi ajari fin quandu restanu manifesti mpisi ali mura i cughianiatti rimanunu sempa, na fregatura.