Trovai nu cora ntro mianzu e nu ruatulu e balla e paghjia.
Fhina chi arrivu cu i mani mu puazzu toccara;
ncunu scioghja u ruatulu, e cu i mani su pighja.
A mia mi manca a fhorza pemmu u puazzu azara
u cora dev'essera leggeru, ma u ruatulu è pisanta.
Ci vonnu tridic'anni de palestra pemmu sulu u puazzu penzara
ca mu porria portara luntanu, cuamu nu ruatulu volanta,
mu spaccu u fhiarru fhilatu, pemmu u tuaccu si é d'amara.
Cu i paruali non arrivi mancu si gjangi a catati
impermiabbila ceratu, è nu cora raffinatu; 
io su agriculu, e u cora l'haiu mpiattu, senza carrarmati.
Quandu i lacrimi scindanu, l'umidu si senta
si po' dira si su salati o sannu e nenta.
Na balla e paghjia pisanta, cu de intra nu cora 
chi non abbatta, ne io u puazzu sentirà ne arricchiara.
A paghja e funda, ma cu l'occhiali e vista u puazzu immaginara
sulu si è de natru, non si po raggiungira.
Si esta vacanta e non ava nenta, oppuru o mio, non po assumighjara.
Ma si de forma esta ha stessa, porria essara orvicatu ntra na miniera
I cuasi chi si sentanu cu cora, non ponnu darà fastidiu, ne scomparira.
Ponnu essara brutti belli e mbiachi, ammucciati o segretati
ponnu fhara mala o u mala fhannu scumparira cuntianti;
ogni tantu u cora fhacia ginnastica non s'atrofizza, ma menta i dianti. 

Tag:Trabbiatura